عالمی کپاس مارکیٹ میں تیزی کے آثار، طلب بڑھی پیداوار گھٹی
15/05/2026 عالمی کپاس مارکیٹ 2026/27 میں مضبوط دکھائی دے رہی ہے تازہ اندازوں کے مطابق عالمی کپاس کی کھپت بڑھ کر 12.17 کروڑ گانٹھیں ہو سکتی ہے، جو گزشتہ چھ برس کی بلند ترین سطح ہے، جبکہ پیداوار کم ہو کر 11.60 کروڑ گانٹھیں رہنے کا امکان ہے۔ اس فرق کا مطلب واضح ہے: رسد کم، طلب زیادہ۔ امریکہ، چین اور یورپ میں ملبوسات کی مضبوط طلب کپاس کی کھپت کو سہارا دے رہی ہے۔ دوسری طرف امریکہ، برازیل، چین، پاکستان اور ترکی میں کم پیداوار کے باعث عالمی ذخائر میں کمی متوقع ہے۔ ایک اور اہم عنصر خام تیل کی قیمتیں ہیں۔ تیل مہنگا ہونے سے پالئیےسٹر جیسے مصنوعی فائبرز کی لاگت بڑھتی ہے، جس سے کپاس نسبتاً زیادہ پرکشش بن جاتی ہے۔ عالمی تجارت میں برازیل سب سے بڑا برآمد کنندہ جبکہ ویتنام سب سے بڑا درآمد کنندہ رہنے کی توقع ہے۔ مختصراً، بڑھتی طلب، کم پیداوار اور گھٹتے ذخائر کپاس کی قیمتوں کو سپورٹ دے سکتے ہیں۔ یہ سیزن ٹیکسٹائل صنعت، اسپنرز اور کپاس ٹریڈرز کے لیے خاص اہمیت رکھتا ہے۔